Descanso de verán

Share on facebook
Share on twitter
Share on whatsapp

Foron seis meses inesperados. Comezamos coa idea de formalizar un blog onde subir todos eses traballos que quedaban no tinteiro. O proxecto comezou a formalizarse e cada vez recibimos máis apoio. As redes respaldaron o formato, e as colaboracións aumentaron. Artigos doutras disciplinas complementaron a nosa intención transversal e, para a nosa sorpresa, interesou e tivemos quen nos lera. Incluso quen nos entrevistara. Hoxe podemos dicir que temos 64 artigos subidos á nosa páxina, máis dos que nunca imaxináramos posible.

Coa chegada do verán coidamos que o mellor será tomar un descanso até setembro co obxectivo de coller máis impulso. Malia todo, seguiremos a actividade nas redes sociais para que non vos olvidedes de nós e poidades darlle unha oportunidade aos artigos que non lérades, así comoaqueles que pensades merecen unha segunda lectura. Tamén seguiremos informando sobre o noso proxecto de levar Mazarelos ó papel, do cal teredes novidades proximamente.

Por último, é hora de facer reconto de agradecementos. Grazas primeiramente ás colaboradoras e colaboradores que optáchedes por darlle parte do voso tempo a este formato. Grazas a Carlos, Sara, Nicola, Lucas, Lucía, Jose, Uxía, Brais, Raúl, Manuel, Xaquín, Philip, Clara, Ángel, David e Rodrigo. Pero tamén grazas a todas e todos, lectores de Mazarelos, que nos dades folgos para continuar con este modelo esperemos moito tempo máis. O voso apoio foi sempre un faro que nos guiou a continuar pese ás complicacións e dificultades xurdidas.

Volveremos con folgos renovados en setembro con máis artigos inéditos. Pasade bo verán e cargade ben as pilas como faremos nós, que queda Mazarelos para rato.

Comparte

Share on facebook
Facebook
Share on twitter
Twitter
Share on whatsapp
WhatsApp
Share on email
Email

Comentarios

Deixa un comentario