Baixa á praza
Este ciclo de entrevistas é unha forma de achegar os contidos históricos dende a academia á sociedade xeral dunha forma divulgativa. Un ciclo de entrevistas nas que falamos con expertas sobre elementos da historia e a memoria de Galicia. Todas elas foron gravadas en distintas prazas de Santiago de Compostela represetando ese espazo de encontro da comunidade. Xénero, memoria ou gastronomía foron algunhas das temáticas xurdidas nestas conversas, culminando todas cunha pregunta común sobre como divulgar mellor a historia.
Baixa á praza realizouse co apoio da Deputación da Coruña e do Concello de Santiago.
Ofelia Rey Castelao
Catedrática de Historia Moderna na Universidade de Santiago de Compostela. Na entrevista falamos sobre xénero, memoria e divulgación histórica.
Xosé Manoel Núñez Seixas
Profesor de Historia Contemporánea na Universidade de Santiago de Compostela. Falamos sobre os usos do Pazo de Meirás, sobre nacionalismo español e galego e as identidades rexionais baixo o franquismo.
Aldara Cidrás Fuentes
Investigadora predoutoral na Universidade de Santiago de Compostela. Nesta conversa saíron temas como as violencias femininas durante a guerra civil, sobre o uso dos espazos de memoria e a carreira investigadora das mulleres.
Xavier Castro Pérez
Profesor de Historia na Universidade de Santiago de Compostela. Na entrevista falamos sobre o patriarcado na alimentación galega, as propiedades medicinais dos licores e o o papel do viño na sociedade.
Daniel Lanero Táboas
Profesor de Historia na Universidade de Santiago de Compostela. Falounos da vivenda social durante o franquismo, así como do clientelismo político e da mobilización social entre ditadura e democracia.
Daniela Ferrández Pérez
Doutora pola Universidade de Santiago de Compostela. No 2022 publicou o libro “A defunción dos sexos. Disidentes sexuais na Galiza contemporánea”, do cal falamos nesta entrevista.
Baixa á praza - 2ª temporada
Este ciclo de entrevistas é unha forma de achegar os contidos históricos dende a academia á sociedade xeral dunha forma divulgativa. Un ciclo de entrevistas nas que falamos con expertas sobre elementos da historia e a memoria de Galicia. Todas elas foron gravadas en distintas prazas de Santiago de Compostela represetando ese espazo de encontro da comunidade. A chegada desta nova entrega de seis episodios vén protagonizada pola escritora Susana Sánchez Arins para falar sobre literatura, memoria histórica e espazos de memoria; Ángel Arcay Barral sobre arquivos e historia local e Mar Llinares en canto a presenza da Prehistoria no xornalismo, no ensino e na divulgación.
A segunda edición do Baixa á praza realizouse co apoio do Concello de Santiago de Compostela.
Ángel Arcay Barral
Director do Museo das Mariñas, da Biblioteca municipal Castelao e do Arquivo municipal de Betanzos. Na entrevista falamos dunha figura xurídica moi particular como é a das mulleres espontaneadas (mulleres solteiras que quedaban embarazadas), da comarca, da importancia e o papel dos arquivos.
Susana Sánchez Aríns
Profesora de Ensino Secundario e escritora. A traves da experiencia co seu Seique (2015) fálanos sobre a historia oral familiar, a memoria histórica, os espazos de memoria e a loita contra o tempo.
Mar Llinares García
Profesora titular de Prehistoria na Universidade de Santiago de Compostela. A súa perspectiva en canto ao tratamento da Prehistoria no ensino, reflexión sobre a perseveración de xacementos arqueolóxicos e máis.
Valerià Paül Carril
Profesor titular de Xeografía na Universidade de Santiago de Compostela. l. Conversamos sobre o papel no ensino da Xeografía, os parques naturais, as formas de organización territorial e outros asuntos que traballa esta disciplina, todo enfocado a comprender o mundo no que vivimos.
Celtia Rodríguez González
Investigadora posdoutoral do CISPAC cunha tese de doutoramento na Universidade de Santiago de Compostela sobre arqueoloxía de Xénero. Falamos sobre esta corrente, a situación laboral da arqueoloxía, o proxecto Sputnik labrego e outras cuestións relacionadas co seu campo de estudo.
Xesús Balboa López
Profesor titular da Facultade de Xeografía e Historia e membro investigador do grupo Histagra. Nesta entrega falounos dos usos tradicionais dos montes galegos, da diferencia entre o uso histórico do lume e os incendios forestais, do pasado e presente dos montes en man común e moito máis.
