O pasado 5 e 6 de outubro celebrouse no Paraninfo da Facultade de Xeografía de Histoira da Universidade de Santiago de Compostela o congreso Galeusca-Historia. Un século de nacións galeuscanas. Participamos coa conferencia ‘Un século despois de Nós. Cultura e Historiografía na Revista Mazarelos’, na que falamos sobre a edición cultural nos últimos 100 anos, a creación dun ecosistema mediático propio, as implicacións de imprimir en papel en pleno 2023 e outra serie de temas relacionados coa xestión cultural e coa experiencia do noso proxecto en particular.
O congreso foi organizado pola Universidade de Santiago de Compostela, o CISPAC, Histagra e colaborou a Deputación da Coruña.
