Descanso de verán 2020

Share on facebook
Share on twitter
Share on whatsapp

A etapa 2019-2020 foi moi especial para nós. O proxecto iniciado en xaneiro do ano pasado evolucionou até convertirse nunha revista de historia e cultura; o número de colaboradoras e colaboradores aumento de 16 a 30; e duplicouse a cantidade de artigos publicados na web. Por outra banda, presentamos a revista en diferentes puntos do país: de Ribadavia a Ferrol, pasando pola Coruña e Compostela. Se aínda non a tes contigo, podes adquirila e subscribirte na tenda online que inauguramos este ano.

Se ben co salto o papel conseguimos ampliar o noso público, o método audiovisual abriunos as portas para novas entrevistas e coloquios. Pensamos historicamente a crise da Covid nunha mesa redonda online e coñecimos as propostas culturais e patrimoniais dos principais partidos que aspiraban a presidir a Xunta o pasado 12X.

 Coa chegada do verán coidamos que o mellor será tomar un descanso até setembro co obxectivo de coller máis impulso. Malia todo, seguiremos a actividade nas redes sociais para que non vos olvidedes de nós e poidades darlle unha oportunidade aos artigos que non lérades, así como aqueles que pensades merecen unha segunda lectura. Pechamos esta temporada cunha conferencia na Fundaçom Artábria, cunha palestra sobre o recrutamento de soldados polo exército franquista.

Volveremos con folgos renovados en setembro e con máis artigos inéditos. Pasa bo verán, cóidate, e  como non, subscríbete! Carga ben as pilas como faremos nós, que queda Mazarelos para rato.

Comparte

Share on facebook
Facebook
Share on twitter
Twitter
Share on whatsapp
WhatsApp
Share on email
Email

Comentarios

Deixa un comentario