Mañá, xoves 28 de novembro, presentarase o último número da revista Mazarelos, o 14, na cidade de Lugo. Será na Galería Solaina ás 20h (Rúa Camiño Real, 88).
Na conversa participarán Sergio Marey, artista, xestore cultural e comisarie da Galería Solaina, e Brais Ferreiro Ares, historiador e editor de Mazarelos: revista de historia e cultura.
Como se trata da primeira vez que Mazarelos acude a esta Galería, non só se abordará o último número, senón que aproveitaremos para contar un pouco máis sobre como xurdiu o proxecto, cal é a estrutura da revista, cales son os nosos valores e obxectivos ou a que retos nos enfrontamos para manter viva a publicación.
